Ég heiti Elsa Ína Skúladóttir og er fædd og uppalin í Keflavík. Ég lærði fljótlega í barnaskóla að prjóna og hef haft mjög gaman að, alveg frá þeim tíma. Ég hef aðallega verið að prjóna á fjölskylduna og barnabörnin. Síðan ég fór á eftirlaun þá hefur aukist hjá mér mikil ánægja og hugarró við að sitja með prjónana og sjá nýjar flýkur mótast. Ég hef mjög gaman að gönguferðum, stangaveiði, útiveru í nátturunni og ferðalögum bæði innan lands og utan Með sól í hjarta og kærleika að leiðarljósi er lífið dásamlegt.