Ég heiti Kolbrún og er fædd og uppalin í Reykjavík en hef búið víða bæði hérlendis og erlendis. Mamma kenndi mér að prjóna þegar ég var 7 ára. Ég er örvhent en hún kenndi mér að prjóna rétthent. Ég elska að prjóna af því að það gefur mér hugarró, ég er að skapa eitthvað og það veitir mér gleði að gefa heimaprjónað sérstaklega á lítil kríli. Prjónarnir fylgja mér hvert sem ég fer hvort sem það er uppá hálendið eða á sólarströnd. Ég segi að það að prjóna veiti mér hugarró, en þeir halda líka oft fyrir mér vöku, þegar það þarf að klára einn hring í viðbót, eða klára eitthvað munstur. Svo er auðvitað líka gaman að skarta flottri peysu sem maður hefur prjónað á sig.