Ég ólst upp í Efra Breiðholtinu en hef undanfarin 35 ár búið í Grafarvoginum. Móðir mín var mikil handavinnukona og kenndi hún mér að prjóna þegar ég var 12-13 ára gömul og hef ég prjónað mikið allar götur síðan. Ég er leikskólakennari og sérkennari en útskrifaðist sem bókasafns- og upplýsingafræðingur fyrir nokkrum árum og starfa sem slíkur á skólasafni í Mosfellsbæ. Ég er mikið fyrir hvers konar handavinnu en elska sérstaklega mikið að prjóna. Mitt mottó í lífinu er að lifa lífinu lifandi og taka því með bros á vör.