Ég heiti María Hafsteinsdóttir og ég er 64 ára, uppalin í Sandgerði til 9 ára aldurs. Flutti þá til Keflavíkur og búið þar síðan ef undan eru skilin 10 ár þegar ég bjó á Akureyri á árunum 2007 – 2017. Föðuramma mín og móðir mín kenndu mér að prjóna og handavinnu almennt. Að því bý ég enn og er þakklát fyrir þessa þekkingu. Nú reyni ég að miðla til mér yngri afkomenda. Alla daga sest ég niður og tek aðeins í prjónana. Fyrir mér er það hugarró og mest gaman að fá kerfjandi verkefni að vinna með. Dags daglega starfa ég sem aðstoðarmaður á lögfræðiskrifstofu og því gott að setjast niður eftir erfiða daga og hvíla hugann við prjónaverkefni eða handavinnu. Þegar ég er ekki að prjóna geri ég harðangurs og klausturs verkefni sem er útsaumur í jafa. Áhugamál mín fyrir utan handavinnu hafa verið mótorhjól og mörg ferðalög á Harley Davidson mótorhjóli hef ég farið bæði um Ísland og erlendis. Nú síðustu ár hef ég ásamt eiginmanni mínum ferðast mikið um hálendi Íslands á jeppum og þá er gott að hafa prjónana með og prjóna þegar ekið er á milli staða.