Steinþóra ólst upp í Hafnarfirði, þar sem hún fékk áhuga á alls kyns handverki strax í æsku. Amma hennar kenndi henni að prjóna þegar hún var aðeins 8 ára og síðan þá hefur prjónaskapur verið ómissandi hluti af lífi hennar. Hún hefur unnið mikið með allskonar handverk, verið með prjónanámskeið og það gaf henni mikið að geta deilt kunnáttu sinni. Hún hefur einnig verið með listagallerí og saumað töskur úr leðri og roði og unnið mikið við leir og gler og verið með námskeið í leirlist. Börnin hennar og barnabörn hafa notið góðs af því hvað hún prjónar á þau. Það veitir Steinþóru ómælda ánægju og gleði að geta deilt list sinni með öðrum í gegnum handverkið sitt.