Þórunn Drífa er fædd og alin upp á Akranesi. Hún hefur prjónað síðan ca. 1959. Byrjaði í handavinnu í skólanum og síðan var mamma hennar mikið að prjóna og sauma. Þannig að það var alltaf mikið handverk í kringum hana. Hún vann á Sjúkrahúsinu á Akranesi á rannsóknarstofu sem ung kona en vegna vinnu mannsins hennar flutti hún að virkjuninni við Steingrímsstöð og bjó þar í yfir 30 ár. Var matráðskona hjá Landsvirkjun. Hún elskar alla handavinnu og eru prjónarnir aldrei langt undan Lífsspekin er að lífið er núna. Ánægjuefni er góður félagsskapur og ferðalög.